Чошқа зуками тарқиливатқан дөләтләрниң сани 33 кә йәтти

Дуня сәһийә тәшкилатниң бүгүнки мәлуматиға қариғанда, чошқа зуками тарқиливатқан дөләтләрниң сани һазир 33 кә йәтти. Чошқа зуками вируси билән юқумланған бемар сани 5 миң 728гә йәтти. Буниңдин америкида 3009, мекискида 2059. Чошқа зуками билән юқумланған бемарлар һазир хитай, куба қатарлиқ дөләтләрдиму байқалди.
Мухбиримиз вәли
2009.05.13
Share on WhatsApp
Share on WhatsApp

Дөләт қанунида чошқа мәни қилинған исраилийидиму чошқа зуками вируси билән юқумланған бемар сани 7 гә йәтти.

Фрасийә агентлиқниң баян қилишичә, чошқа зуками вируси һазир инсанларда һечқандақ мудапиәлиниш тәдбири йоқ (чошқа зуками ваксиниси қоллинимған) әһвал астида тарқиливатиду.

Бундақ хәтәр астида, һәр қайси дөләтләр юқумлуқ чошқа зукамиға дучар болған бемарларға болған ғәмгузарлиқни күчәйтиш билән биргә, инсанийәтниң әвлатлирини буниңдин мәңгу хали қилиш үчүн ваксина ишләватиду вә буниң техиму кәң тарқилип, худди 1919 ‏- йили испанийидә 40 милйон адәмни һаятидин айриғандәк еғир һадисә келип чиқишниң алдини елиш үчүн дора записи тәйярлаватиду.
 
Һазир дуня меқясида қоллиниливатқан чошқа зуками сақлиниш тәдбирилиридин қариғанда, бундақ юқумлуқ кесәл адәмдин һайванатқиму, һайванаттин адәмгиму бәдән арқилиқ яки һава арқилиқ юқивириду. Униң кесәллик аламәтлири адәтики зукамниң яки қуш зукаминиң аламәтлиригә охшап кетиду. Буни байқаш-пәрқләндүрүш вә давлаш юқири пән - техника тәләп қилиду.

Һазирқи әһалда, чошқа зуками вируси юқуштин сақлинишниң адди чариси пут-қолни, бәдәнни пакизә тутуш вә адәттики зукам аламәтлиригә һәргиз сәл қаримаслиқтин ибарәт.



Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.