Dalay lama bir qatar nam - shereplerge érishidu

Tibetning rohaniy dahiysi dalay lama yawropa sepirini bashlidi. U, yekshenbe küni italiyige yétip keldi. Bu qétim dalay lama rim sheherlik hökümiti teripidin "rimning pexri puqrasi" dégen sherep namigha we "wénitsiye shehirining pexri puqrasi" dep atalghan sherep mukapatigha sazawer bolidiken.
Muxbirimiz ümidwar
2009-02-08
Share

Eslide italiye hökümiti mezkur pexri namlarni ötken yili bérishni qarar qilghan bolsimu, biraq uning salametlikining nacharliqi sewebidin mezkur mukapat dalay lamagha tapshurulmay qalghan idi.
 
Dalay lamaning bu qétim yawropadiki italiye, gérmaniye qatarliq döletlerge qaratqan töt künlük ziyariti xitay bash ministiri wén jyabawning yawropagha qaratqan ziyariti, gérmaniyining miyunxén shehiride dunya bixeterlik mesililiri yighini hemde jenwede b d t insan hoquqi komitétining yighini échilghan peytlerge toghra kelgen bolup, xitay metbu'atliri dalay lamaning bu pa'aliyetlirini tenqid qilip, yawropa döletlirining uninggha mundaq yuqiri sherep namlirini bérishige naraziliq inkasini qayturdi.

Dalay lama bu qétim yene gérmaniyini ziyaret qilmaqchi we u yerde uning "gérmaniye metbu'at mukapati" gha sazawer bolidighanliqi melum.
 
Dalay lamaning pa'aliyiti italiye we gérmaniye hökümetliri teripidin yuqiri bahalan'ghan bolup, xitay bu mesililerde yawropa rehberlirini tenqid qilghan bolsimu, lékin kargha kelmigen, xitay bash ministiri wén jyabaw téxi yéqindila gérmaniyini ziyaret qilghanda, gérman bash ministiri mékél xanimning tibet mesilisini yene bir qétim otturigha qoyghanliqi melum.

Aldinqi yili amérika dölet mejlisi xitay hökümitining naraziliqigha qarimay, dalay lamagha eng aliy altun médal teqdim qilip, uning tinchliq bilen tibetning erkinlikini qolgha keltürüsh herikitini yene bir qétim mu'eyyenleshtürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet