Xitay ürümchi we aqsu qatarliq jaylarda saxta dorilarni tazilash herikiti élip bardi

Xitay hökümet axbarat wasitilirining xewer qilishiche, 17-noyabir küni Uyghur aptonom rayonluq jama'et xewpsizlik da'iriliri ürümchi, aqsu qatarliq bir qisim sheherde köp sanda saqchi we amanliq saqlash xadimlirini ishqa sélip, saxta dora sétish guruhlirini qolgha chüshürgen.
Muxbirimiz ümidwar
2011.11.20
Shinxu'aning neqil keltürüshiche bu heriketke 80 nechche neper jama'et xewpsizlik xadimi qatnashqan bolup, besh saxta dora sétish shaykisini biraqla qolgha chüshürgen. Bu herikette saqchilar sekkiz saxta dora yasash ornini weyran qilghan hemde 170 ming yu'en qimmitidiki 62 xil saxta dora türini qolgha chüshürgen.

Melum bolushiche, saxta dora yasap sétish pütün xitay boyiche uzundin buyan omumiy yüzlük dawamliship, kündin-kün'ge éghirlishiwatqan mesile bolup, Uyghur éli teweside saxta dora sodigerliri we yasighuchi shaykilargha keng kölemlik hem da'im zerbe bérish heriketliri élip bérilmighanliqtin, Uyghur qatarliq xitay emes millet puqralirining saxta dorilarning ziyinigha uchrap, hayati we salametliki jiddiy tehditlerge duch kélish ehwali bir qeder éghir bolghan.

Hetta bezi sehiye xadimliri we sehiye tarmaqliriningmu saxta dora satquchilar bilen astirtin til biriktürüsh we yaki mesilige sel qarash ehwali mewjutluqi tenqid qilin'ghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.