Washin'gtonda 'darwaz' namliq filim körsitildi

Filim washin'gtonda turushluq xitay démokrat wu xungda ependi qurghan lawgey körgezmixanisida körsitilgen bolup, filimde Uyghur diyaridiki yétim Uyghur balilirining öz medeniyiti bilen xitay medeniyiti, islam bilen kommunistik idiye arisidiki hayati Uyghurlarning darwazliq sen'iti bilen birleshtürülüp teswirlen'gen.

Bu pa'aliyetni amérika Uyghur birleshmisi we lawgey jem'iyitining qurghuchisi wu xungda ependiler birliship ötküzgen bolup, filimning échilish murasimigha nurghun kishiler ishtirak qilghan.

Amérikida pa'aliyet élip bériwatqan xitay démokratchi wuxungda ependi bundin burunmu "60 yildin buyan xitay kommunist hakimiyitining ziyankeshlikige uchrap kéliwatqan Uyghurlar" mawzuluq körgezme uyushturghan idi. U,  amérikida xitay hökümiti yürgüzüwatqan bésim siyasiti shundaqla Uyghurlar we tibetlerning nöwettiki siyasiy, ijtima'iy weziyitini dunya jama'etchilikige yorutup bérish üchün aktip pa'aliyet qilip kelmekte.