Uyghur élide diniy ishlarni bashqurushni téximu kücheytish kérekliki otturigha qoyuldi

“Shinjang” gézitining 23- awghusttiki sanigha xitay tetqiqatchi min eyning bu heqtiki bir parche maqalisi bésilghan bolup, maqalide xitay hökümitining diniy ishlarni bir xil ijtima'iy pa'aliyet süpitide kücheytip bashqurushining zörürlüki alahide tilgha élin'ghan.

Buningda asasliqi xitay kompartiyisining diniy qanunini teshwiq qilishini kücheytip, “Qanunsiz diniy pa'aliyetke bolghan chüshenchini ashurush”, “Wetenperwer diniy zatlarning aktipchanliqini jari qildurush”, din'gha étiqad qilidighan ammini yéteklesh we “Dinni sotsiyalizmgha maslashturush” qatarliqlar maddilargha bölüp sherhligen.

Maqalining wetenperwer diniy zatlargha qaritilghan qismida mundaq déyilgen:“Siyasiyda ishenchlik bolush, diniy bilimi chongqur bolush, amma arisida inawiti bar bolup, halqiliq peytte esqatidighan bolush” telipige uyghun bolghan wetenperwer diniy zatlar qoshuni yétishtürüsh kérek.

Xitayning Uyghur élige qaratqan diniy cheklimisi ezeldin qattiq bolup, her yili xelq'ara kishilik hoquq jem'iyetlirining tenqidige uchrap kéliwatqan idi.