Xitay emeldarliri bo shiley weqesidin kéyinki weziyettin endishilenmekte

Xitay bash ministiri wén jyabaw bügün chiriklik mesilisining xitay kompartiyisining mewjutluqigha munasiwetlik zor mesile ikenlikini yene bir qétim tekitligen.
Muxbirimiz shöhret hoshur
2012.04.16

Birleshme agéntliq qatarliq xelq'ara axbaratlar, wén jyabawning bu qétimqi chaqiriqining oxshash témidiki yillardin bériqi chaqiriqliridin alahide perqliq ikenlikini bayan qildi.

Melum bolushiche, wén jyabaw chaqiriqida, “Biz kompartiyimizge eng chong tehditning chirikliktin kélidighanliqini tonup yétishimiz kérek” dégen.

U bu sözliridin kéyin, hakimiyet qatlimida küch teqsimatigha we xelqning nazaritige ehmiyet bérilishi kéreklikini tekitligen. Xelq'ara xewerlerde wén jyabawning bu chaqiriqi xitay kompartiyisining bo shiley weqesidin kéyinki weziyettin endishisi dep körsitilgen.

Melum bolushiche, bo shiley wezipisidin élip tashlan'ghandin kéyin, xitay ammiwi axbarat wasitiliride, xitay kompartiyisining yuqiri rehberlik qatlimida parchilinish kélip chiqqanliqi we xitay kompartiyisining halaketke yüzlen'genliki toghriliq uchur we mulahiziler köpeygen bolup, bu, nöwettiki hakimiyet qurulmisidin menpe'etdar boluwatqan kishilerde jiddiy endishe peyda qilghan.

Shunga nöwette xitayning bir qisim ölke we sheher derijilik hökümetliri mexsus bayanat élan qilip, özlirining xitay merkizi hökümitining bo shiley heqqidiki qararini qollaydighanliqi heqqide ipade bildürüshmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.