Xitay, yene bir qétim 'erkinlik yoq dölet' dep bahalandi

Erkinlik öyi, 1972 - yilidin bashlap her yili élan qilip kéliwatqan bu xil doklatlirida,siyasiy hoquq we puqralarning erkinlikini öz ichige alghan 25 türlük ölchem boyiche her qaysi döletlerning erkinlik ehwalini, erkinlikke ige, erkinlik yoq we bir qeder erkin dep üch xil derijige bölüp bahalap kelmekte, teywen bu doklatta erkinlik bar döletler qataridin orun alghan.

Erkinlik öyi seyshenbe küni dunyagha mezkur doklatni élan qilish bilen teng, "xitay gerche dunya jama'etchilikige 2008 - yilida xitayning insan heqliri weziyitini ilgiri sürüsh wedilirini bergen bolsimu, hetta olimpik tenheriket yighininingmu xitayning insan heqlirini yaxshilishigha özgirish élip kélelmigenliki dunya jama'etchilikini epsuslanduridu " dep jakarlidi.

Erkinlik öyining axbarat élan qilish yighinida, mezkur teshkilatning asiya rayoni tetqiqatchisi sarax kok xanim, "xitay ötken bir yilda, eksiche olimpiktin paydilinip diniy erkinlikni, bolupmu tibet we Uyghurlargha qaratqan siyasiy diniy kontrolluq hem bésimni kücheytti, ularning erkinliki téximu teqipke élindi," dédi.

Xitay ilgiriki doklatlardimu erkinlik yoq döletler qataridin orun élip kéliwatqan idi, bu qétimqi doklattin melum bolushiche, xitay siyasiy hoquq we puqralarning erkinlik hoquqliri jehettiki ölchemler boyiche eng nachar bahalan'ghan.