Xelq'ara kechürüm teshkilati ershidin isra'ilning teqdiridin endishe qilmaqta

Xitay tashqi ishlar ministirliqi tünügün ershidin isra'ilni térrorluq bilen eyibleydighanliqini jakarlighandin kéyin élan qilin'ghan mezkur bayanatta, ershidin isra'ilning jinayitining peqetla xitaydiki kishilik hoquq depsendichilikini ashkarilash ikenliki, uning xitay türmiliridiki qéyin-qistaqlarni dunyagha ashkarilighandin kéyin xitay teripidin térrorchi dep eyibligenliki alahide eskertilgen.

Doklatta mundaq déyilgen:
Ershidin isra'il u bir wijdan mehkumi, u özining pikrini erkin ipadiligenliki üchün xitay teripidin tutqun qilin'ghan. Xitay derhal uni qoyup bérishi kérek. Nöwette u qattiq qéyin-qistaq we adaletsiz sotning tehditi astida turmaqta.

Ershidin isra'il xitay türmiside qéyin-qistaqta ölgen shöhret tursunning ehwalini dunyagha ashkarilighandin kéyin hayati xewp astida qélip qazaqistan'gha qéchip chiqqan we b d t ning musapirlar ishxanisidin panahliq tiligen. U musapirliq salahiyitige érishken we shwétsiye teripidin qobul qilin'ghan bolsimu, kéyin b d t musapirlar ishxanisining uning musapirliq salahiyitini bikar qilishi we qazaq da'irilirining xelq'ara ehdinamilerge xilapliq qilishi bilen u 30-may küni xitaygha qayturup bérilgen idi.

Nöwette dunya Uyghur qurultiyi, rafto kishilik hoquq fondi qatarliq kishilik hoquq organliri we uning ehwalidin xewerdar kishiler ershidin isra'ilning teqdiridin qattiq endishe qilmaqta.