Uyghur élide melum bolghan eydizler 40minggha yetti

Uyghur élide chiqidighan metbu'atlarning aptonom rayonluq sehiye nazaritidin igilep tarqatqan xewirige qarighanda, Uyghur élide bu yil séntebirgiche tizimgha élin'ghan eydiz yuqumdarlirining sani 40 minggha yetken bolup, 5073 kishi eydiz késili bilen ölgen.
Muxbirimiz gülchéhre
2012-11-30
Élxet
Pikir
Share
Print

Mutexessisler adette eydiz yuqum sanini, bayqalghanlar sanini 6 hessilesh arqiliq texminleydu. Uyghur élide hazir eydiz wirusi tarqalmighan birmu nahiye, yéza qalmighan.

Eydiz wirusi Uyghur élide tunji qétim 1995-yili qumulgha kelgen bir xitay köchmendin bayqalghan idi.

Sehiye nazaritidiki munasiwetlik xadimlarning bildürüshiche, yéqinqi yillardin tartip Uyghur élidiki eydiz tarqilishining zeher chekküchiler we eydiz yuqush éhtimalliqi küchlük kishiler topidin bashqa adettiki kishiler arisighimu téz tarqilishi we yuqush yollirining köp xillishishi Uyghur éli eydiz yuqum weziyitining jiddiylikini körsitidighan bolup, buning bilen eydiz ning tarqilishini kontrol qilish ishliri Uyghur élide téximu zor riqabetke duch kelmekte iken.

1-Dékabir 25-nöwetlik dunya eydiz küni munasiwiti bilen xitay sehiye ministirliqining élan qilghan doklatigha qarighanda, xitayda öktebirning axirghiche tizimgha élin'ghan eydizler 500ming neperge yéqinlashqan, eydiz yuqumdarliri sani bulturqidin 12.7% Örligen. Xitayda er jinsliqlar arisida, öz-ara jinsiy munasiwet arqiliq yuqturuwélish eydiz wirusining asasliq tarqilish yoli bolup qalghan, hazirghiche bayqalghan eydizlerning 21% i mushu xil yol arqiliq yuqturuwalghanliqi melum bolghan. Xitayda eydiz tarqilishi jiddiy boluwatqan 9 ölke we aptonom rayonlar ichide Uyghur éli-5 orunda turidu.

Toluq bet