Filippin xitayning jenubiy déngizgha déngiz charlash paraxotliri sepligenlikige qarshi turdi

Filippin tashqi ishlar ministirliqi bayanatchisi ra'ul xérnandézning bildürüshiche, ixtilaptiki déngiz tewelikide élip bérilghan bu xil charlash herikiti xitayning heqliq ikenlikini ispatliyalmaydu.

U: filippinliqlar xitay da'iriliri filippin'gha qarashliq gherbiy filippin déngizida élip barghan charlash herikitige küchlük qarshi turidu, dégen.

Xitay shinxu'a agéntliqi peyshenbe künlük xewiride, tik'uchar qonalaydighan charlash paraxotlirining jenubiy déngizgha orunlashturulidighanliqini bildürgen.

Xitay bu yil 11‏-ayda chégra qoghdash saqchilirigha talash-tartishtiki déngizgha kirgen chet'el paraxotlirini toxtitip tekshürüsh hoquqi bergen idi. Munasiwetlik terepler buning talash-tartishtiki bu rayonda qoshna eller otturisidiki öz-ara qarshilishishni téximu kücheytiwétishidin ensirigen.

Bu yil 4‏-ayda xitay-filippin ikki terep charlash paraxotliri skarbori arili etrapida tirkiship qélip, ikki dölet munasiwiti ötkürliship ketken idi. Filippin da'irilirining ilgiri sürüshiche, ikki terep charlash paraxotlirini teng chékindürüshke kéliship, filippin terep paraxotlirini chékindürgen bolsimu, biraq xitay terep wediside turmighan.