Yaponiye bilen filippin xewpsizlik jehettiki hemkarliqini kücheytmekchi

Yaponiye tashqi ishlar weziri fumiyu kishida peyshenbe küni filippinda resmiy ziyarette boldi. Uning bu qétimliq ziyariti asasliq filippin bolghan herbiy mudapi'e hemkarliqini kücheytishni meqset qilidiken.
Muxbirimiz irade
2013.01.10

Filippin tashqi ishlar ministiri albért rosari'o yaponiye tashqi ishlar weziri bilen ötküzgen uchrishishtin kéyin muxbirlargha bergen bayanatida, xitayning déngiz teweliki mesilisidiki pozitsiyisining asiyaning tinchliqigha tehdit peyda qiliwatqanliqini, xitayning jenubiy déngizdiki bu xil “Xeterlik” heriketlirining endishe peyda qiliwatqanliqini bildürgen.

Yaponiye we filippin her ikkilisi xitay bilen igilik hoquq kürishi qiliwatqan döletler bolup, xitayning yéqindin buyan hem jenubiy déngizda, hem sherqiy déngizda peyda qiliwatqan ighwagerchilik heriketliri bu döletlerning qattiq naraziliqini qozghighan idi. Filippin tashqi ishlar ministiri yaponiye, filippin ikki terepning bundin kéyin xewpsizlik jehettiki alaqini kücheytidighanliqini, yaponiyining filippin déngiz chégra mudapi'e da'irilirini 10 charlighuchi paraxot we yéngi alaqilishish sistémisi bilen teminleshni oylishidighanliqini bildürgen.

Yaponiye tashqi ishlar weziri fumiyu kishida sözide ikki dölet hemkarliqining rayonning tinchliqi üchün intayin muhim ehmiyetke ige ikenlikini tekitligen.

Xitayning qoshna döletler bilen bolghan igilik hoquq ziddiyiti künsayin keskinleshmekte. Hazir xitaydin tehdit hés qilghan bu döletlerning öz menpe'itini qoghdash üchün jiddiy tedbir élishqa heriket qiliwatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.