Америка хитай ишлар бирләшмә комитети гав җишең һәққидә гуваһлиқ бериш йиғини чақириду

Америка дөләт мәҗлиси вә һөкүмитиниң хитай ишлар бирләшмә комитети баянат елан қилип, 14 - феврал, йәни хитай муавин рәиси ши җинпиңниң америка зиярити башлинидиған күни хитай түрмисидики кишилик һоқуқ адвокати гав җишең делоси вә у учраватқан муамилә һәққидә гуваһлиқ бериш йиғини чақиридиғанлиқини билдүрди.
Мухбиримиз җүмә
2012-02-11
Share

Гав җишең хитайдики өктичи адвокатларниң бир болуп, 2006 - йили 3 йиллиқ қамақ җазасиға һөкүм қилған вә бәш йил түрмә сиртида иҗра қилишқа буйрулған.

Әмма, у 2010 - йили мартта туюқсиз ғайип болуп кәткән вә бир мәзгил пәйда болуп мухбирларға өзи йолуққан муамилиләрни сөзләп берипла узун өтмәй йәнә йоқап кәткән.

Бу йил униң ақсу шаядики бир түрмигә қамалғанлиқи илгири сүрүлгән иди.

Хитай һөкүмити 2011 - йили декабир қайта қарар чиқирип, гавға берилгән 3 йиллиқ қамақ җазасиниң қайта иҗра қилинидиғанлиқини елан қилған. Бу кишилик һоқуқ органлирини әндишигә салған.

Америка дөләт мәҗлиси вә һөкүмитиниң хитай ишлар бирләшмә комитети баянатида гав җишеңниң кишилик һоқуқ дәваси қилғанлиқи үчүн җазаға тартилғанлиқини билдүрди.

Хитай муавин рәиси ши җинпиң мушу айниң 14 - күни америкида зиярәттә болиду. Түнүгүн америка муавин президенти байдин америкидики бир қисим кишилик һоқуқ паалийәтчилирини күтүвелип, хитай кишилик һоқуқ вәзийити һәққидә мәлумат игилигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт