Рабийә қадир америка дөләт мәҗлиси әзалирини “5-июл вәқәси” дин кейин қолға елинған уйғурлар мәсилисидә хитайға бесим ишлитишкә чақирди

Мәзкур гуваһлиқ бериш йиғинини америка дөләт мәҗлиси ташқи ишлар комитети чақирған болуп, бу мәзкур комитет хитай тәһдитини тәкшүрүш темиси астида чақирип келиватқан гуваһлиқ бериш йиғиниң иккинчи қисмидур.

Мәзкур йиғинға йәнә “хәлқаралиқ тибәт һәрикити” тәшкилатниң муавин президенти бучун тсериң әпәнди, фалунгоң мөрити хәйли әпәнди вә “һөрлүк шуан” тәшкилатиниң қурғучиси җарет гәнсәр қатарлиқлар қатнишип, хитайдики кишилик һоқуқ дәпсәндичилики һәққидә гуваһлиқ бәрди.

Рабийә қадир ханим асаслиқ 2009-йилидин кейин уйғур елидә йүргүзүлгән сиясәтләр, болупму “5-июл вәқәси” дин кейин өлүм җазаси берилгән, түрмигә ташланған вә из-дерәксиз ғайиб болған уйғурлар мәсилиси, “ шинҗаң хизмәт йиғини” һәмдә хитайниң көчмән йөткәш сиясити һәққидә тохталди.

Рабийә ханим йәнә, хитай һөкүмитиниң уйғур тилини маарип саһәсидин пүтүнләй чиқирип ташлаш үчүн җиддий һәрикәткә өткәнлики, уйғурларниң диний етиқад әркинликини мислисиз дәриҗидә чәклигәнлики, чәкләшниң бу йил рамзан мәзгилдә техиму күчәйтилгәнликини баян қилди.

У ахирида америка дөләт мәҗлисигә 8 түрлүк тәклип сунуп, мәҗлис әзалирини “5-июл вәқәси” дин кейин қолға елинған уйғурларниң сани, қамалған җайи қатарлиқларни ашкарилаш вә уларни җиддий қоюп мәсилисидә хитайға бесим ишлитишкә чақирди.