Пәнҗим сақчиханисидин 2 данә тапанча вә 50 пай оқ оғриланди

Йәрлик аһалиләрдин бириниң инкас қилишичә, ғулҗа шәһириниң пәнҗим йезилиқ сақчиханисида, алдинқи һәптә 2 данә тапанча вә 50 пай оқ йүтүп кетиш вәқәси йүз бәргән.
Мухбиримиз шоһрәт һошур
2010.08.31
Share on WhatsApp
Share on WhatsApp

Вәқә йүз бәргән күни намәлум киши яки кишиләр пәнҗим сақчиханисиға кечидә йошурун кирип, алди билән сақчиханиға орунлаштурулған камера системисини бузувәткән. Арқидин 2 данә тапанча вә 50 пай оқни елип чиқип кәткән.

Мухбиримиз вәқә һәққидә мәлумат елиш үчүн пәнҗим йезилиқ сақчиханиға телефон қилғинида, сақчихана башлиқи абләт вәқәниң растлиқини ашкарилиған, әмма вәқәниң тәпсилатини юқири дәриҗилик сақчи органлиридин ениқлашни тәвсийә қилған.

Мәлум болушичә вәқәниң, ақсуда партлитиш вәқәси йүз бәргән мәзгилгә тоғра келиши алақидар тармақларни сарасимгә салған. Мухбиримиз йәнә вәқә һәққидә йәрлик аһалиләрдин мәлумат сориғанда, аһалиләр, вәқә һәққидики соалға җавап бериштин өзини қачурған. Буниңдин қариғанда йеза әтрапида вәқә тоғрилиқ җиддий тәкшүрүш вә сорақниң давам қиливатқанлиқи байқалмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт