گوگۇلنىڭ بىر قىسىم ئىقتىدارلىرى خىتايدا كاشىلىغا ئۇچرىدى

گوگۇل سەھىپىسىنىڭ بىر قىسىم ئىقتىدارلىرى خىتايدا كاشىلىغا ئۇچرىغان. دۇنيادىكى ئەڭ چوڭ ئىزدەش ماتورى بولغان گوگۇل شىركىتى بۈگۈن گوگۇلنىڭ خىتايدىكى ئىزدەش ماتورىنىڭ بىر قىسىم ئىقتىدارلىرىنىڭ پالەچ ھالغا چۈشۈرۈپ قويۇلغانلىقىنى بىلدۈردى.
مۇخبىرىمىز ﺋﯩﺮﺍﺩﻩ
2010.07.01

بىرلەشمە ئاگېنتلىقىنىڭ بىلدۈرۈشىچە، خىتايدىكى ئابونتلار گوگۇل سەھىپىسىگە كىرگىنىدە "گوگۇلنىڭ تەۋسىيە قىلغان سەھىپىلىرى" دەيدىغان ئالاھىدىلىكىنى ئىشلىتەلمىگەن. گوگۇلنىڭ باياناتچىسى جېسسىكا پاۋىل "گوگۇلنىڭ بۇ ئالاھىدىلىكى كاشىلىغا ئۇچرىتىلدى" دەپ بىلدۈردى.

ئۆتكەن ئىككى ئايدىن بېرى، ئىنتېرنېت ئەركىنلىكى مەسىلىسىدە خىتاي تەرەپ بىلەن تىركىشىپ كېلىۋاتقان Google شىركىتى خىتايدىكى ئىزدەش مۇلازىمېتېرىنى خوڭكوڭدىكى مۇلازىمېتېرىغا يۆتكىگەن. ئەمما، خىتاي دائىرىلىرى بۇنىڭغىمۇ ئۇنىماي گوگۇلنىڭ رۇخسىتىنى بىكار قىلىش بىلەن تەھدىت قىلغان. نەتىجىدە گوگۇل بىر قەدەم كەينىگە چېكىنىپ، ئابۇنتلار "ئۆزى خالىغان تەقدىردە" ، ئاندىن ئۇلارنى گوگۇلنىڭ خوڭكوڭ مەركەزلىك ئىزدەش ماتورىغا ئۇلاشتۇرىدىغان بىر سەھىپە چىقاردى.

خىتاي دائىرىلىرى ئىنتېرنېت ئۈستىدىكى كونتروللۇقىنى كۈندىن - كۈنگە ئاشۇرۇپ بارماقتا. ئۇلار بىر ياقتىن تور سەھىپىلىرىنى چەكلىسە، يەنە بىر ياقتىن تور ئابونتلىرىنىڭ كىملىك مەلۇماتلىرىنى يىغىش ھەرىكىتىنى كۈچەيتمەكتە. يېقىندا خىتاي دائىرىلىرى ئومۇميۈزلۈك ئۇقتۇرۇش چىقىرىپ، توردا ئويۇن ئويناش ئۈچۈن كىرگەنلەرگىمۇ ئالدى بىلەن كىملىكىنى تىزىملىتىش شەرتىنى قويدى. ئۇلار بۇ قارارىنى ياش - ئۆسمۈرلەرنىڭ تور ئويۇنلىرىنىڭ زىيىنىغا ئۇچرىشىنىڭ ئالدىنى ئېلىش ئۈچۈن دەپ كۆرسەتتى.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.