Гуаңдоңлуқлар өз шивисини қоғдаш үчүн йәнә намайиш қилди

1 - Авғуст күни хитайниң гуаңдоң өлкисиниң гуаңҗу шәһиридә бир қанчә миң киши йәнә өз тил шивисиниң һоқуқини қоғдаш үчүн наразилиқ намайиши елип барди. Ббс агентлиқиниң хәвәр қилишичә, әслидә бу намайиш гуаңҗу шәһиридики хәлқ бағчисида өткүзүлүш пиланланған болсиму, бирақ сақчиларниң тосалғуси билән намайишчилар бейҗиң кочиси әтрапида меңиш усули билән наразилиқини ипадилигән.
Мухбиримиз үмидвар
2010.08.01

Гуаңдоңлуқларниң бундақ өз шивисини ишлитиш һоқуқини қоғдаш намайиши өткән һәптидиму йүз бәргән болуп, бу һәрикәт бир һәптидин буян түрлүк усуллар билән давамлашқан. Сақчилар йәкшәнбә күнидики намайишчиларни қоршивалған. Һәтта улар хоңкоңниң бир телевизийә мухбирлар гурупписини тутқунлуққ алған.

Бу күни йәнә 150 диб артуқ хоңкоңлуқ гуаңдоң шивисини қоғдаш намайиши өткүзгән. Намайишчилар хитай һөкүмитиниң гуаңдоңчини әмәлдин қалдуруп, униң орниға ортақ тилни тиклимәкчи болуватқанлиқиға наразилиқ билдүргән. Әлвәттә, хитай һөкүмити гуаңдоңчини хәнзу тилиниң бир шивиси дәп қарайду, әмма гуаңдоңлуқлар униңға худди "айрим тилдәк салаһийәт берилиши", керәк дәп һесаблайду.
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.