Dunya Uyghur qurultéyi xitay hökümitini guma weqesining xaraktérini burmilash bilen eyiblidi

Yerlik yéza bashliqi 5 balining tutulghanliqini bildürdi. Emma tutulghan chonglarning bar-yoqluqi heqqide melumat bermidi. Hazirghiche igellen'gen uchurlardin bularning bir yaki bir qanche a'ile kishiliri ikenliki texmin qilinmaqta.

Dunya Uyghur qurultéyi xitay hökümitining mukuyla weqesining xitay da'iriliri ilgiri sürgendin tamamen perqliq ikenlikini, xitayning weqening xaraktérini burmilap, addiy puqralarni basturush qilmishini yoshuruwatqanliqini bildürdi.

Xitay da'iriliri 28- chésla weqe heqqide élan qilghan tunji xewiride "Guma saqchi da'iriliri 7 térrorchini étip tashlap, ular görüge éliwalghan ikki kishini qutquzuwaldi" dégen idi. Emma bügün xitayning "Yer shari waqti géziti"  weqe heqqide ilgirilep élan qilghan xewiride görüge élin'ghan ikki kishining " Térrorchilar" ning qolidin qutulup chiqip, ehwalni melum qilghandin kéyin qoralliq küchlerning neq meydan'gha barghanliqi, qarshi terepning adem sani köp bolghanliqtin ularni étip tashlighanliqini we bu kishilerning chet'elge jihat qilishqa mangghan  kishiler ikenlikini ilgiri sürdi.

Dunya Uyghur qurultiyining bayanatchisi dilshat rishit, bu ikki xewerning bir-biri bilen zitliqini eskertip, xitay da'iriliri ashkarili ghan uchurlarda saxtiliq barliqini bildürdi we xelq'arani bu nuqtigha diqqet qilishqa chaqirdi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar