ماۋچىلار ھىندىستان قىسىملىرىغا ھۇجۇم قوزغىدى

بىرلەشمە ئاگېنتلىقىنىڭ پاتنادىن خەۋەر قىلىشىچە، ھىندىستاندا ھازىر ماۋچىلارنىڭ قانۇنسىز ھەرىكەتلىرى كۆپىيىپ قالدى. تۈنۈگۈن ھىندىستاننىڭ چاتتىسگارخ شتاتىدا 200 ماۋچى يوشۇرۇنۇپ تۇرۇپ ھۇجۇم قوزغاپ، ھىندىستان قىسىملىرىدىن 27 كىشىنى ئۆلتۈردى.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2010-06-30
ئېلخەت
پىكىر
Share
پرىنت

ھىندىستان بىخەتەرلىك دائىرىلىرىنىڭ ئاشكارىلىشىچە، 1970‏ - يىللاردا ماۋ زېدۇڭ ھىندىستان ئىنقىلابىغا ئىلھام بېرىش دېگەن نام بىلەن پارتىزان تەشكىللىگەن. بۇ ماۋچىلار ھىندىستاندا 'ناشاللار' دەپ ئاتىلىدۇ.

ماۋچىلار ھازىرغا قەدەر ھىندىستاندىكى 28 شىتاتنىڭ 20 سىدە يۇشۇرۇن ھۇجۇم قوزغاش ئارقىلىق 2000 دىن ئارتۇق ساقچىنى ئۆلتۈرۈپ بولدى. بۇ ماۋچىلارنىڭ سانى ھازىر 20 مىڭ ئەتراپىدا. ئۇلار يىراق يۇرتلاردا يوشۇرۇنۇپ يۈرۈپ، ئۆزلىرى خالىغان ۋاقىتتا چىقىپ ھۆكۈمەتكە ئۇشتۇمتۇت ھۇجۇم قوزغاپ كېلىۋاتىدۇ.

تولۇق بەت