Һиндистан хитайни су мәнбәси һоқуқиға һөрмәт қилиш һәққидә агаһландурди

Бүгүн һиндистан хитайни һиндистанниң су мәнбәси һоқуқиға һөрмәт қилиш һәққидә агаһландурди. Франсийә агентлиқиниң ейтишичә, хитай даирилириниң йеқинда ярлузаңбу дәрясиға йәнә бир йеңи су електр истансиси қурушни пилан қилишни елан қилиши һиндистанниң хитайға бундақ бир агаһландуруш беришигә сәвәб болған.
Мухбиримиз ирадә
2013.01.31
Share on WhatsApp
Share on WhatsApp

Чүнки ярлузаңбу дәряси тибәт арқилиқ һиндистанға тутушидиған дәря болуп, дәря һиндистанда брахмапутра дәряси дәп атилиду.

Һиндистан даирилири бүгүн һинду гезити арқилиқ елан қилған баянатида хитайни агаһландуруп, хитай су електр истансилирини қурғанда су мәнбәсидин ортақ пайдилиниватқан қошна дөләтләрниң мәнпәәтини ойлишиши керәк, дегән.

Хитай ярлузаңбу дәряси бойидики су еликтер истансиси қурулушни 2010-йили башлиған. Улар бу дәряға 3 истанса қуруш вә 6 данә 85 мигаватлиқ гениратор орунлаштуруш арқилиқ райондики ток йетишмәслик мәсилисини һәл қилиш нишаниға йәтмәкчи. Әмма қурулуш башлиғандин буян бу мәсилә һиндистан, хитай икки тәрәп арисидики муһим музакирә темисиға айланди. Һиндистан бу қурулушниң өзлириниң су мәнбәлиригә зиян селишидин әндишә қилмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.