Америка мудапиә министири леон панетта хитай рәһбәрлирини хаккирлиқ һуҗумлири мәсилиси үстидә сөһбәт қилишқа чақирди

Панетта бу қетимлиқ учришишлири давамида америка һөкүмити вә ширкәтлиригә компютер-учур системилириниң хаккирлиқ һуҗумиға учраш мәсилисиниму алаһидә оттуриға қойған.
Мухбиримиз ирадә
2012.09.20

У ши җинпиң вә башқа хитай рәһбәрлирини америка билән мәзкур мәсилидә диалог өткүзүшкә чақирған.

Һазир, хитайдин келиватқан хаккирлиқ һуҗумлириниң сани барғансери ешип бериватқан болуп, улар асаслиқ америкиниң нефит, тәбиий газ вә башқа енергийә ширкәтлирини нишан қилған икән.

Америка даирилири хаккирлиқ һуҗумлири мәсилисидә хитайни көп қетим агаһландурған болсиму, әмма хитай буниң өзлири билән алақиси йоқлуқини илгири сүрүп кәлгән иди.

Америкиниң вирҗинийә штатидики мандият интернет бихәтәрлики ширкити мәсулиниң бирләшмә агентлиқиға билдүрүшичә, америкиниң дипломатик чақириқлириниң әксичә, хитайниң хаккирлиқ һуҗум истратегийиси вә техникиси техиму мурәккәплишип кәткән болуп, бу һуҗумлар пәқәт системилар ичигә суқунуп кирип, җасуслуқ қилишнила әмәс, бәлки пүткүл учур системисини вәйран қилишни мәқсәт қилған икән.

Лион панетта хаккирлиқ һуҗум мәсилисини оттуриға қойғанда, хитай тәрәп мәсилигә көңүл бөлидиғанлиқини ейтқан болсиму, әмма бир рәсмий келишим һасил қилинмиған.

Америка мудапиә министири леон панетта пәйшәнбә күни хитайдики рәсмий зияритини аяғлаштурди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.