Irandiki toqunushta 10 din artuq adem öldi, namayishlar dawamlashmaqta

Irandiki öktichilerning naraziliq namayishliri dawamliship, saqchilar bilen kélip chiqqan toqunushta az dégende 10 ademning ölgenliki iran axbarat wasitiliri teripidin xewer qilindi. Lékin, rusiyining "newsru" uchur tori az dégende 20 adem ölgenlikini texmin qildi.
Muxbirimiz ümidwar
2009-06-21
Share

En'giliye b b s agéntliqining xewer qilishiche, nöwette, iran chet'el, bolupmu gherb jurnalistlirining iran'gha bérip, neq meydandin xewer bérishini qamal qilghanliqi üchün asasliq uchur peqet iran hökümet metbu'atlirining bergen melumatliridin kelmekte.

Iran döletlik téléwiziye istansisi naraziliq bildürgüchilerni térrorchiliq teshkilati bilen baghlighan bolup, téhran saqchiliri bilen térrorchiliq teshkilati arisidiki toqunushta az dégende 10 adem öldi, dep xewer bergen shuningdek b b s agéntliqining téhranda turushluq muxbirlar ponkitining bir muxbirini 24 sa'et ichide chiqip kétishke buyrighan. Iran hökümet metbu'atliri hujumchilarning ikki may qachilash ponkitini köydüriwetkenliki we herbiy nuqtigha hujum qilghanliqini xewer qilghan.

Iran öktichilirining naraziliq namayishliri yuqiri pellige yetken bolup, iran ichki ishlar rehberliri öktichiler rehbiri musawini eyiblep, eger bundaq qalaymiqanchiliq chiqiwerse qattiq chare qollinidighanliqini bildürgen. Iran rehberliri gherb döletlirini ichki ishlargha arilashqanliq bilen eyibligen bolup, b b s we amérika awazi qatarliq uchur wasitilirinimu eyibligen.

Amérika prézidénti barak obama iran da'irilirini ' xelqqe qaritilghan barliq zorawanliq we adaletsizliklerni toxtitish"qa chaqirghan.

Irandiki bu namayishlar aldinqi heptidiki prézidént saylimida exmedi nijatning yuqiri awaz bilen qaytidin iran prézidénti bolup saylan'ghanliqi we uning riqabetchisi musawining bu saylamning adil bolmighanliqini eyiblep, uni bikar qilishini telep qilishidin kélip chiqqan. Namayish bir heptidin buyan dawamlashmaqta. Namayishchilar islahatchiliq pikirdiki musawi terepdarliridur.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet