Iraq xelqi amérika eskerlirining chiqip kétishini tentene qildi

Amérika awazi radi'osining bu heqte seyshenbe élan qilghan xewiride körsitishiche, amérika qisimliri 30 - iyon künigiche baghdattin pütünley chékinip chiqip bolushi shert bolup, éraq hökümiti bu künni dölet igilik hoquq küni qilip xatirileshni jakarlighan. Nöwette baghdattiki yerlik hökümet we éraq qisimliri dölet mudapi'e wezipisini ötküzüwalqan bolup, iraqning dölet weziyiti turaqliq iken.

Amérika tashqi ishlar ministiri klinton xanim iraqning amérikidiki bash elchisi bilen körüshüp amérikining iraqtin esker chékindürüshining shanliq bir tarix bolidighanliqi, emma amérikining iraqqa her waqit yardem bérishke teyyar ikenlikini bildürgen.

Amérikining éraqtiki herbiy herikiti 2010 - yili 9 - ayda tamamlinidu, bashqa döletlermu iraqtin eskerlirini 2011 - yiligha qeder pütünley chékindürüp bolidu, bu ariliqta qalghan bir qisim amérika eskerliri sheher sirtidiki herbiy bazilarda éraq eskerlirini terbiyilesh üchün waqitliq qaldurulidu.

Nöwette iraqliqlar paytext baghdattiki chong ‏ - kichik baghcha, aptomobil, aptobuslargha éraqning dölet bayriqini ésip, bezi sheherlerde parattin ötüshke oxshash tebriklesh pa'aliyetlirini dawam etmekte.