Kéniyide bir bénzin toshush mashinisi partlap, 100 din artuq adem öldi

B b s agéntliqining xewer qilishiche, bénzin bakining partlap munchiwala ademning ölüshidiki seweb, mashinidiki bak aghdurulup, uningdiki bénzinlar éqishqa bashlighanda, etrapta yashaydighan köp sandiki ademler bikarliq bénzin'gha érishish üchün bénzin bakidin éqiwatqan bénzinlarni qachilashqa bashlighan. Mana del mushu peytte bak partlap ketken.

Kéniye ichki ishlar ministiri hazir ölgenlerning sanining 94 neper, yaridarlarning 178neper ikenlikini élan qilghan, biraq bashqa menbelerde ölgenlerning 111 din ashqanliqi hemde ölgenlerning sanining dawamliq köpiyidighanliqi bildürülmekte.
 
Nöwette, weqening sewebi éniqlanmaqta. Kéniyidiki qizil krist jem'iyiti partlash weqesining tamaka tashlashtin kélip chiqqanliqini bildürsimu, biraq weqeni körgüchilerdin biri ademler bénzi qachilashni bashlighanda, saqchilarning tosqunluqigha uchrighanliqi, del shu peyitte yaman niyetlik adem bénzin'gha ot yaqqan bolushi mumkin.

Eng paji'elik yéri shuki, molo shehiride birmu ot öchürüsh orni bolmighanliqi üchün yéqin bashqa jaylardiki ot öchürgüchiler kelgiche bir sa'et ketken, partlashtin kéyin ot bir qanche sa'et köygen.