Австиралийә кино фестивали хитайниң бесимиға тиз пүкмәйдиғанлиқини билдүрди

Австиралийә хәлқара кино фестивалиниң тәшкили оргини җүмә күни баянат елан қилип, уйғур рәһбири рабийә қадир ханимниң 8 - авғусттики милборин хәлқара кинио фестивалиға қатнишидиғанлиқини вә униң һаятини тема қилған "муһаббәтниң 10 шәрти" филимниң чоқум фестивалға қоюлидиғанлиқини билдүргән.
Мухбиримиз әркин
2009-07-31
Share

Австиралийә хәлқара кино фестивалиниң баянатчиси лоиса хәселтин, кино фестивалиниң тәшкили һәйити һечқачан бейҗиңниң бесимиға тиз пүкүп, "муһаббәтниң 10 шәрти"ни фестивалға қатнаштуруштин чекиндүрүп чиқиш яки рабийә ханимни миһман сүпитидә күтүвелиштин ваз кечишни ойлишип бақмиғанлиқини җакалиған.

У франсийә ахбарат агентлиқиға бәргән бу һәқтики баянатида мундақ дегән ": фестивалда бу филимни қоймаслиқниң һечқандақ йоли йоқ", "у әлвәттә фестивалға қатнишиду".

Австиралийә, канберрадики хитай әлчиханисиниң рабийә қадир ханимға виза бәрмәслик, униң кино фестивалиға қатнишишини чәкләш һәққидики бесимиға тиз пүкүшни рәт қилғандин кейин, хоңкоң, тәйвән вә хитай чоң қурурулуқидин милбориндики кино фестивалиға қатнишидиған хитай тилидики пүтүн кино ‏ - филимләр фестивални байқут қилған.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт