Kériye nahiyilik ma'arip idarisining “Xitay oqutquchi qobul qilish”élani naraziliq qozghidi

Bu ehwalgha narazi bolghan tordashlar inkaslirida, kériye ma'arip idarisining élanida Uyghurlar zich olturaqlashqan kériyidimu ashkara halda chong xitaychiliq xahishi ipadilinip, yerlik millet Uyghurlar kemsitilgenlikini pash qilghan.

Uyghur biz torining xelq'ara tor békitining bügünki xewiride, tordashlarning naraziliqidin kéyin, kériye nahiyilik ma'arip idarisining 19-dékabir küni torda inkas qayturghanliqi xewer qilindi.Kériye nahiyilik ma'arip idarisi oqutquchi qobul qilish élanidiki milliti xitay bolush shertige qarita özini aqlap, kériye nahiyilik 2-ottura mektep nahiyide yéngidin quruluwatqan toluq ottura mektep bolghini üchün, qosh tilliq ma'arip sistémisidiki bu mektepke qobul qilinidighan 333 neper oqutquchidin 40 nepirini xitay ölkiliridin qobul qilish qarar qilin'ghini üchün, élanda qobul qilinidighan 36 neper oqutquchining millet terkibi xitay dep eskertilgenlikini izahlighan. Emma da'irilerning bu izahatigha qarita naraziliq inkasi yazghan tordashlar nöwette Uyghur élide “Qosh tilliq ma'arip” namida Uyghur milliy ma'aripining weyran qiliniwatqanliqini bildürüp, da'irilerning rayonda yürgüzüwatqan ma'arip tüzümini eyibligen.