Хитай вә чәтәлләрдики кишилик һоқуқ яқилиғучилири ши җинпиңдин люшавбони қоюп беришни тәләп қилди

Бүгүн хитайдики 40 тин артуқ язғучи хитай компартийисиниң йеңи рәһбири ши җинпиңға имзалиқ мәктуп әвәтип, 2009 - - йили 11 йиллиқ қамақ җазасиға һөкүм қилинған өктичи язғучи, нобел саһиби люшавбони қоюп беришкә чақирди. Бу кишиләрниң ичидә хитайдики тонулған кишилик һоқуқ актипи пу җичяң вә әйдиз паалийәтчиси хуҗяларму бар.
Мухбиримиз ирадә
2012.12.06


Бу имзалиқ хәт , 2008 - йили 8 - декабир күни люшавбо вә башқа 300 дин артуқ зиялий хитай һөкүмитини ислаһатқа чақирған “2008 - хитабнамиси” елан қилинған вә шундақла бу йил нобел әдәбият мукапатиға еришкән хитай язғучи мо йәнгә мукапат бериш мурасими шивитсийидә ечилиш алдида турған вақитқа тоғрилап туруп әвәтилди.

Улар ши җинпиңға йоллиған имзалиқ хетидә ялғуз лю шавбонила әмәс, бәлки сиясий сәвәбләр түпәйлидин түрмидә тутуп турулуватқан барлиқ мәһбусларниң һөрлүккә чиқирилишни тәләп қилип : “бу сиясий ислаһатниң тунҗи қәдими болуши керәк, хитайдәк зор бир дөләттә сиясий мәһбусларниң болуши дөләтниң образиға интайин зиянлиқ” дегән.

Буниңдин срт, бүгүн йәнә һәрқайси әлләрдики 134 нәпәр нобел саһиби лю шавбониң қоюп берилиши үчүн бирләшмә имза хети тәйярлиди. Буларниң ичидә нобел тинчлиқ мукапати саһиби җәнубий африлиқ десмонд тутуму бар.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.