Liwiye qozghilangchiliri liwiye paytext tripoligha 80 kilométir yéqinlap keldi

Liwiye qozghilangchiliri shenbe küni liwiye paytexti tripoligha 80 kilométir yéqinlap keldi we liwiyining gherbidiki taghliq kent-bir ghenemde kazafiy qisimliri bilen qattiq tutushti.
Muxbirimiz jüme
2011-07-16
Share

Melum bolushiche, qozghilangchi armiye gherbiy taghliq rayonda ötken bir nechche heptidin buyan zo ilgirilesh hasil qilghan we kazafiy qisimlirining köp qétimliq qayturma hujumlirini chékindürgen. Nöwette ular liwiye paytexti tripolining jenubidiki gheyram yézisini ishghal qilish we tripoligha utidighan tash yolini kontrol qilishni pilanlimaqta iken.

Jüme küni amérika hökümiti liwiye qozghilangchi hökümitini étirap qilghandin kéyin, qozghilangchilarning jasariti ashqan.

Amérikining liwiye waqitliq hökümitini qollaydighanliqini türkiyide yighin'gha qatnishiwatqan amérika dölet ishlar ministiri hilariy klinton xanim jüme küni jakarlighan idi.

Istanbulda chaqirilghan liwiye we ottura sherq mesilisi heqqidiki yighin'gha 30 dölet erbabliri qatnashqan bolup, yighinda liwiye, süriye we yemen qatarliq ottura sherq ellirining yol xeritisini belgilesh hemde kazafyni hoquqtin waz kechtürüsh istratégiyisi qatarliqlar muzakire qilindi.

Melum bolushiche, b d t bash katipi ban kimunning alahide elchisi abdul ilah el xatip kazfiygha hoquqtin ayrilish shertlirini yetküzüshke teyinlen'gen.

Emma, en'gliye tashqi ishlar ministiri wilyam heyg kazfiygha shert qoyush bilen birge yene herbiy bésimni ashurush kéreklikini otturigha qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet