Liwiye qozghilangchi da'iriliri kazafiyni tutup bergenlerge mukapat béridighanliqini jakarlidi

Liwiye qozghilangchi da'iriliri bügün kazafiyni tutup bergen ademge 1 milyon 700 ming dollar mukapat béridighanliqini jakarlidi. Ularning bu qarari qozghilangchi terep kazafiyning turalghusini igiligendin kéyin otturigha chiqti.
Muxbirimiz jüme
2011-08-24
Share

Liwiye qozghilangchilirining bashliqi mustafa abdul jélil yene, liwiye ötkünchi hökümet milliy kéngishining kazafiyning hoquqtin waz kéchip tinchliq bilen chet'elge chiqip kétishigimu yol béridighanliqini bildürdi.

Mustafa abdul jélil bén'ghazida bu heqte chiqarghan chaqiriqnamiside kazafiyni öltürgen yaki uni tutup bergen herqandaq birining ilgiri ötküzgen jinayetliri bolsa pütünley kechürüm qilinidighanliqini körsetti. Uning bildürüshiche, bu mukapat sommisini liwiyidiki bir sodiger bérishke wede qilghan.

Liwiyidiki namayish qanliq basturulghandin kéyin, qozghilanggha aylan'ghan we ötken 6 aydin buyan liwiyide ichki urush partlighan idi.

Liwiye qozghilangchiliri düshenbe küni kazafiy hökümiti jaylashqan paytext tripolini igiligen hemde kazafiyning bir oghlini qolgha chüshürgenlikini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet