Хитай уйғур елидики мәктәпләргә милләтләр иттипақлиқи оқушлуқини рәсмий тарқатти

1 - Сентәбир уйғур елидики барлиқ оттура вә башланғуч мәктәпләр йеңи мәвсүмлүк оқуш башлиған күни. Шинхуа агентлиқиниң хәвиридин мәлум болушичә, 5 - июл үрүмчи вәқәси йүз бәргәндин кейин хитай даирилири тәрипидин түзүлгән милләтләр иттипақлиқиға даир мәхсус оқушлуқ, бүгүн, йәни 1 - сентәбир, уйғур елидики мәктәпләрниң йеңи оқуш башлаш күнигә үлгүртүп һәр бир оқуғучиға тарқитип берилгән.
Мухбиримиз гүлчеһрә
2009.09.01

Шинхуа агентлиқиниң бу һәқтә тарқатқан хәвиридин ашкарилинишичә, буниң билән ғулҗидики башланғуч һәм оттура мәктәпләрдә оқуватқан 63 миң оқуғучи һәр һәптидә мәхсус вәтәнпәрвәрлик вә милләтләр иттипақлиқи тәрбийиси намлиқ мәзкур оқушлуқни өгинидикән.

Хәвәрләргә қариғанда, бу оқушлуқ бу йил 6 - айда түзүлүп болған болсиму 5 - июл үрүмчи вәқәсидин кейин даириләр мәзкур оқушлуқниң мәзмуниға өзгәртиш киргүзүп, 5 - июл вәқәсигә даир мәзмунларғиму мәхсус бәт аҗратқан. Оқушлуқ сиясий идийиви нәзәрийә дәрсидин башқа, вәтәнпәрвәрлик һәм милләтләр иттипақлиқи идийисини әмәлий һәрикитидә көрситиш тәләп қилинған икки хил мәзмундин тәркип тапидикән.

Мәзкур оқушлуқ хитай маарип тармақлири тәрипидин уйғур елидики башланғуч, оттура мәктәпләрниң асаслиқ пәнләр түригә рәсмий дәрслик қилип киргүзүлгән.

Көзәткүчиләр хитай тәрипидин түзүлгән вәтәнпәрвәрлик вә милләтләр иттипақлиқи тәрбийиси дәрсликиниң мәктәпләрниң дәрс программилириға киргүзүлишиниң, хитайниң уйғур яш өсмүрләргә елип бериватқан сиясий идийиви бесим тәрбийисиниң йәниму күчәйтилидиғанлиқидин дерәк беридикән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.