Xitay munasiwetlik da'iriliri Uyghur élide milliy til - yéziqtiki neshriyatlarni tertipke salmaqchi

Xitay munasiwetlik da'iriliri Uyghur élide milliy til - yéziqtiki neshriyatlarni tertipke salmaqchi. Shinxu'a axbaratida körsitishiche, xitay hökümiti bu qurulushqa 300 milyon yüendin artuq meblegh ajratqan. Bu qurulush xitay hökümiti yéqidin buyan yürgüzüp kéliwatqan " shinjanggha yardem bérish" siyasitining muhim terkibi qismi iken.
Muxbirimiz jüme
2010.08.02
Share on WhatsApp
Share on WhatsApp

Qurulush jeryanida qeshqer Uyghur neshriyati, shinjang pen - téxnika neshriyati, ili xelq neshriyati, qizilsu qirghiz neshriyati, shinjang sehiye neshriyati we shinjang un - sin neshriyati tertipke sélinidiken.

Xewerde mezkur mebleghning milliy til - yéziqtiki neshr bazilirini qurup, "az sanliq millet ammisi" yaxshi köridighan neshr epkarlirini köpeytishke ishlitilidighanliqi ilgiri sürülgen.

Dunya Uyghur qurultiyi bayanchisi dilshat rishitning bildürüshiche, Uyghur élide Uyghur tilining ishlitish kölimi barghanche taraytiliwatqan nöwettiki shara'itta, xitay hökümitining bu xildiki siyasetni yolgha qoyushi ejeblinerlik iken.

Uning qarishiche, xitay hökümiti bu arqiliq birinchidin, milliy til - yéziqtiki neshr buyumlirini kontrol qilish meqsitige yetse, ikkinchidin, bu neshriyatlargha bolghan bashqurushni kücheytip, Uyghur éli xelqning pikri erkinlikini téximu cheklesh meqsitige yétishni közligen bolushi mumkin iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.