Mutexessisler: qumtura ming öyini qutquzushning yoli etraptiki su ambirini taqash
2012.12.14
Qumtura ming öylirini rémont qilishqa köp qétim pul ajritilghan bolsimu, biraq weyranchiliqtin izchil qutulalmay keldi. Medeniyet yadikarliq mutexessislirining ilgiri sürüshiche, qumtura ming öylirini qutquzup qélish üchün, uning etrapidiki su ambérini taqash zörür.
Biraq da'iriler qumtura ming öylirining weyranchiliqqa uchrishishini yamghur, shamal qatarliq tebi'et hadisilirige baghlap, bu qétimqi rémont arqiliq ming öylerni shamal we yamghurning tesiridin qoghdaydighanliqini bildürgen.
Qumtura ming öyiliri Uyghurlarning 3-esirige mensup, bir qeder mukemmel saqlan'ghan, tam resimlirining uslubi köp xilliqqa ige nadir medeniyet yadikarliqlirining biri. Mezkur ming öyler medeniyet inqilabigha qeder bir qeder mukemmel saqlinip kelgen.
Biraq mutexessislerning bildürüshiche, xitay da'iriliri 1960-yillarda qizil deryasini tosup, qum tura ming öyining yénigha su ambiri we éléktr istansisi salghan. Buning bilen ming öy gharlirini köp qétim su bésip, tamlirini zey élip ketken.
B d t pen-mediniyet-ma'arip orgini yéqinqi yillardin buyan, qumtura ming öyining asrashni telep qilghan we bezi qoghdash pilanlirini otturigha qoyghan idi. Lékin mutexessisler yene, bu qétimqi rémont arqiliq ming öylerning esli qiyapitining özgirip kétishidin endishe qilmaqta.