Xelq'ara muxbirlar birliki xitay hökümitini uchurni qamal qilish bilen eyiblidi

Xelq'ara muxbirlar birliki peyshenbe küni bayanat élan qilip, xitay hökümitining gu keyley weqesi we xitay tenheriketchi lyu shangning olimpik musabiqisidin chékinishi heqqidiki xewerlerge cheklime qoyghanliqigha naraziliq bildürdi we xitay hökümitini axbarat erkinlikini depsende qilish bilen tenqid qildi.
Muxbirimiz irade
2012.08.09

Ularning bildürüshiche, gu keyley délosi we uning bügün élip bérilghan soti heqqidiki xewerlerning hemmisi peqet birla orunni yeni, shinxu'a agéntliqini menbe qilghan bolup, bashqa axbarat organlirining héchqaysisigha öz aldigha bu heqte uchur igilesh yaki yézish ruxset qilinmighan.

Buningdin sirt, xitay teshwiqat bölümi 7-awghust küni mexsus yolyoruq chüshürüp, xitayning bu nöwetlik olimpiktin chékindürülgen yénik atlétika tenheriketchisi lyushang heqqide axbarat organlirining xewer tarqitishini, mutexessislerning mulahize qilishini chekligen.

Xelq'ara muxbirlar birliki mana bu yolyoruq, xitay teshwiqat bölümining axbaratni qandaq kontrol qilidighanliqini ashkarilap turmaqta dédi we xitay hökümitini axbaratqa qaratqan qamalni bikar qilishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.