Хитай нефит ширкәтлири уйғур елиниң нефитини тошуш үчүн йеңи нефит турубилирини ясимақчи

Хитай даирилири 2012-йили уйғур елигә 724 милярд йүән мәбләғ салидиғанлиқини елан қилди. Игилинишичә, бу мәбләғ мәркәзгә биваситә қарашлиқ болған дөләт игидарчилиқидики карханилар гуруһи тәрипидин уйғур елиниң көмүрчилик, химийә санаәт вә електр енергийиси саһәсидики қурулуш түрлиригә селинидикән.
Мухбиримиз ирадә
2012-03-15
Елхәт
Пикир
Share
Принт

Мәзкур гуруһқа тәвә ширкәтләр уйғур елидики асаслиқ көмүр, алтун вә башқа кан байлиқлири вә нефит тәбиий газни илгириләп ечиш қурулушлириға мәбләғ селиватқан болуп, «хитай күндилик» гезитиниң хәвиридин мәлум болушичә, хитайниң икки чоң нефит ширкити «петро чина» вә «синопәк» 2012-йили ичидә уйғур елиниң нефитини хитайниң деңиз бойидики өлкилиригә тошуш үчүн 7 нефит турубиси ясашни пилан қилған. Һазирғичә, хитайниң 5 чоң електр енергийә ширкити вә 20 чоң көмүрчилик ширкити уйғур елигә орунлишип болған.

Хитай һөкүмити ичкиридики ширкәтләрниң салған мәбләғлириниң «уйғур ели иқтисадини юқири көтүридиғанлиқини» тәшвиқ қилип, уни «ярдәм» дәп атаватқан болсиму, әмма уйғурлар буниңға қошулмайду. Улар бу қурулушларниң уйғур елини талан-тараҗ қилишни тезлитиш вә көчмән көпәйтиштин башқа йәрлик хәлққә һечқандақ пайда елип кәлмигәнликини илгири сүрүшмәктә.

Пикирләр (0)
Share
Толуқ бәт