Xitay, puqraliri hujumgha uchrighanliqi sewebidin négiriyige naraziliq bildürdi

Ötken hepte xitay puqrasi bolghan bir qurulush ishchisi, négiriyide qoralliq hujumgha uchrap ölgen idi.
Muxbirimiz shöhret hoshur
2012-10-22
Élxet
Pikir
Share
Print

Bu mushu ay ichide négiriyide xitay puqralirining ikkinchi qétim hujumgha uchrishi bolup, aldinqi qétimliqi 7-öktebir küni yüz bergen. Ikkinchi qétimliqtimu xitay ishchi étip öltürülgen idi. Xitay tashqi ishlar bayanatchisi xung léyning bügün axbaratqa ashkarilishiche, xitayning négiriyidiki elchixanisi, mezkur weqedin kéyin négiriye hökümitige naraziliq xéti sunup, négiriyidiki xitay puqraliri we qurulushning bixeterlikini qoghdash üchün négiriye hökümitidin emeliy tedbir qollinishni telep qilghan.

Fransiye axbarat agéntliqining bügünki bu heqtiki xewiride bildürüshiche, négiriye hökümiti xitay puqrasini étip öltürgüchining négiriyidiki "Jama'etul ixlas" namidiki bir islamiy teshkilatning ezasi ikenlikini bildürgen؛ emma mezkur teshkilatning xitaygha bolghan naraziliqining sewebini chüshendürmigen.

Xewerlerdin melum bolushiche, nöwette köpinche afriqiliqlar, xitay shirketlirining öz döletliridiki yolsizliqliridin narazi؛ afriqidiki yene bezi islamiy teshkilatlar bolsa, xitayning Uyghurlargha qaratqan basturush heriketliridin narazi. Shunga yéqinqi yillardin béri afriqa döletliride xitay puqralirigha qarshi hujumlar waqit arilap yüz bérip turmaqta.

Pikirler (0)
Share
Toluq bet