Ningbodiki ximiye zawutigha qarshi namayish, hökümetning wede bérishige qarimay dawamlashti

Shenbe we yekshenbe künliri xitayning ningbo shehiridiki bir türküm ahaliler, mezkur sheherde qurulushi pilanlan'ghan bir ximiye zawutigha qarshi namayish ötküzgen.
Muxbirimiz shöhret hoshur
2012.10.29

Namayish deslepte bashlan'ghanda saqchilar qattiq qolluq qilip, bir türküm namayishchilarni tutup ketken we soraq qilghan؛ hetta bezilirini qayta namayishqa chiqmasliq heqqidiki wedinamige mejburiy qol qoydurghan.

Emma buninggha qarimay, namayish bésiqmighan we namayishchilarning sanimu éship barghan. Shenbe küni kechte sheher bashliqi namayishchilarning aldigha chiqip, mezkur qurulush pilanidin waz kechkenlikini élan qilip, qurulushni dawamlashturmaydighanliqi heqqide wede bergen.

Emma nayishchilar, isqirtip we warqirap sheher bashliqining sözini kesken we tutup kétilgen namayishchilarni qoyup bérishni telep qilghan. Sheher bashliqining wedisidin kéyinmu naraziliq peseymigen.

Namayishchilar, bügün yeni düshenbe künimu sheherlik hökümet aldighan qayta toplan'ghan. Firansiye axbarat agéntliqining ziyaritini qobul qilghan namayishchilardin biri, hökümetning wedisige ishenmeydighanliqini bildürgen؛ yene bir namayishchi ningbo sheherdiki zawut pilaniningla emes, bashqa sheherlerdiki muhitni bolghaydighan zawutlarning ishtin toxtitilishini ümid qilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.