Нобел тинчлиқ мукапати саһиби ансун сучи әркин асия радиосини зиярәт қилди

Зиярәттин кейин ансан сучи йәнә әркин асия радиосида нутуқ сөзләп, әркин асия радиосиниң бу йилларда инсан һәқлири хизмитидә елип барған хизмәтлирини муәййәнләштүрди. Болупму берма бөлүминиң өз программилири арқилиқ бермениң демократийилишиш йолида қошқан төһпилири үчүн рәһмәт ейтти.

Ансан сучи баянида нөвәттә берма демократийилишиш қәдимини басқан болсиму, әмма йәнә нурғун мәсилиләрниң барлиқини билдүрүп, әркин асия радиосиниң радиосиниң берминиң демократийилишишидә муһим рол ойнайдиғанлиқини йәнә бир қетим тәкитлиди.

Ансан сучи бермидики өктичиләр гуруһи мәмликәтлик демократийә бирләшмисиниң рәиси болуп, у узун йил берма түрмисидә ятқан һәм өзиниң инсан һәқлири йолида елип барған күрәшлири үчүн, түрмидики мәзгилидә нобел тинчлиқ мукапатиға еришкән иди. Бу ансан сучиниң 20 йилдин буян тунҗи қетим америкида зиярәттә бөлиши болуп, бу қетимқи америка зиярити 18 күн давамлишидикән. Ансан сучи 17-сентәбир күни америка президенти барак обама һәм дөләт ишлар баш министири хилари килинтон ханим билән көрүшкән иди.