Obama sherqiy yawropa bashqurulidighan bomba qalqan sistéma toghrisidiki eyibleshlerni inkar qildi

Obama hökümiti aldinqi hepte, polsha we chéx qatarliq dölet rayonlargha orunlashturulush pilanlan'ghan bashqurulidighan bomba qalqan sistémisi qurulushning bikar qilinidighanliqini jakarlighandin kiyin, bezi tenqidchiler buni rusiye da'irilirini xosh qilishi yaki iran yadro mesilide rusiyining yardimini qolgha keltürüsh üchün élip bérilghan, dep süretligen idi.

Birleshme agéntliqida körsitishiche, prézidént obama u yekshenbe küni CBS téléwiziyining ziyaritini qobul qilghanda, mezkur pilan rusiye da'irilirini xosh qilish meqsitide yaki rusiye da'irilirining bésimi astida bikar qilin'ghan, dégen pikirlerni ret qildi.

U bu heqte toxtilip: " bu yerdiki xizmitim rusiye da'iriliri bilen kéngishish emes. Amérika dölet mudapi'e pozitsiyisining qandaq bolushini rusiye belgiliyelmeydu" dédi.

Bashqurulidighan bomba qalqan sistéma qurulushni bikar qilish pilani otturigha qoyulghandin kiyin, "amérika yawropadiki muhim ittipaqdashlirigha asiyliq qildi" dégen pikirlermu meydan'gha kelgen idi.

Amérika dölet mudapi'e ministiri robért géytis, nyu-york waqit gézitide bu heqte élan qilghan maqaliside, mezkur pilanining iranning yadur mesilidiki eng yéngi uchurlargha asasen otturigha qoyulghanliqi, emma amérikining rusiyini xosh qilish üchün yawropadiki ittipaqdashliridin waz kechmeydighanliqni ilgiri sürdi.