Osh we béshkekte qirghizlar namayish qilip, jenubiy qirghizistanda xelq'ara saqchi qisim orunlashturushqa qarshi chiqti

Charshenbe küni qirghizistanning béshkek we osh sheherliride bir qisim qirghizlar namayish qilip, yawropa bixeterlik hemkarliq teshkilati saqchi qisimlirini jenubiy qirghizistan'gha kirgüzüp, tertip saqlash pilanigha qarshi chiqti.
Muxbirimiz erkin
2010-08-11
Share

Charshenbe küni texminen 300 kishilik namayishchi qirghiz osh shehiride toplinip, yawropa bixeterlik‏ - hemkarliq teshkilati saqchi qisimlirining osh shehirige orunlashturulushigha qarshi ikenlikini ipadiligen. Shu küni béshkek shehridimu oqughuchilarni asas qilghan texminen 30 kishilik namayish yüz bérip, xelq'ara saqchi qisimi orunlashturush pilanigha naraziliq bildürgen.

Bishkektiki namayishning bir oqughuchilar wekili xelq'ara saqchi qisimi orunlashturush pilanigha qarshi turush sewebini chüshendürüp, "qirghiz xelqi kosowa hadisisining tekrarlinishidin ensireydighanliqi" ni bildürgen.

Lékin, qirghizistan ötkünchi hökümiti ichide xelq'ara saqchi qisimi orunlashturush pilanigha nisbeten oxshimighan pikirler mewjut. Ötkünchi hökümet ezasi azimbék béknezerof bu pilan'gha qarshi ikenlikini bildürgen. Ötkünchi hökümet prézidénti roza otunbayéwa bu pilanni qollighuchilarning biri bolup, u 10 ‏ - öktebirde parlamént saylimi élip bérilidighanliqini jakarlidi.

Xewerlerge qarighanda, 52 kishilik xelq'ara saqchi etriti bu ay ichide osh qatarliq jaylargha orunliship, saylam jeryanidiki tertipni saqlashqa hemkarlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet