Ürümchide ottura asiya döletliri mutexessisliri rayondiki siyasiy weziyet heqqide muhakime yighini ötküzdi

Xitay axbarat wastilirining xewiridin melum bolushiche, bu muhakime yighinida xitay bilen ottura asiya döletlirining xelq'aradiki ortaq nishani, shangxey hemkarliq teshkilatining ramkisi astidiki iqtisadiy hemkarliq, pakistanda yüz bériwatqan siyasiy qalaymiqanchiliq shuningdek rusiyining ottura asiya döletliri bilen bolghan énirgiye istiratégiyisi qatarliq mesililer üstide mexsus muzakire élip bérilghan.

Mezkür muhakime yighinida yene, xitayning etraptiki döletler bilen bolghan herbiy munasiwette, bolupmu térrorchiliq we üch xil küchlerge ortaq zerbe bérishte netijilerni qolgha keltürgenliki mu'eyyenleshtürülgen. Ikki kün dawamlishidighan bu yighin'gha her qaysi dölettin kelgen mutexesisisler we xitaydiki aliy mektep proféssorliri hemde pen - téxnika tetqiqatchiliri qatnashqan.

Xitay da'iriliri, 11 ‏ - séntebir térrorluqqa zerbe bérish kürishidin kéyin, Uyghur siyasiy pa'aliyetchilirini térror nishani qilip, ottura asiya döletliri bilen bolghan munasiwette, térrorluqqa zerbe bérishni özining eng aldinqi muhim wezipisi qilip békitip, bu jehettiki hemkarliqqa alahide ehmiyet bérip kelmekte.