Pakistandiki bir qisim Uyghurlar noruz bayrimini tebriklidi

Bügün pakistanning rawalpindi shehiridiki bir türküm Uyghurlar, rawalpindidiki bir baghchida toplinip noruz bayrimini tebriklidi.
Muxbirimiz shöhret hoshur
2011-03-22
Share

Tebriklesh pa'aliyitini rawalpindida pa'aliyet élip bériwatqan ömer Uyghur wexpi teshkillidi. Pa'aliyet dawamida noruzgha alaqidar tebrik sözidin kéyin, Uyghur milliy herikitining rehbiri rabiye qadir xanimning yéqinqi pa'aliyetliri tonushturuldi. Pa'aliyet naxsha -usul qatarliq köngül échish pa'aliyetliri bilen axirlashti.

Pakistandiki Uyghurlar yéqinqi yillardin béri xitay hökümiti sezgürlük bilen diqqet qilip kéliwatqan muhajir jama'ettur. Pakistandiki Uyghurlarning adettiki ammiwi pa'aliyetlirimu xitay hökümitini bi'aram qilip we endishige sélip kelmekte.

Melum bolushiche, pakistandiki ömer Uyghur wexpining mes'ulliri we aktipliri yéqinqi bir yil ichide pakistan saqchiliri teripidin birqanche qétim tekshürüsh we sürüshte qilish obyékti bolghan. Bu jeryanda ular xitay bilen pakistanning munasiwitige tesir yetküzüp qoyidighan bir weqe chiqirip qoymasliq heqqide agahlandurulghan.

Bügünki pa'aliyiti heqqide melumat bergen ömer Uyghur wexpining mes'uli ömer xan؛ özlirining pakistanning qanun-tüzümlirige xilap heriketler bilen shughullanmaydighanliqini, emma xitay hökümitining chaqiriq yaki tehditlirige perwa qilmaydighanliqini bildürdi. U bügünki noruz pa'aliyitini özlirining mana mushu meydanining bir ipadisi dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet