Xitay da'iriliri parasil ariligha sayahet orunlashturidighanliqi xewirini inkar qildi

Xitay da'iriliri igilik hoquq kürishi astidiki parasil arilini sayahetke achidighanliqi heqqidiki xewerni ret qildi. Roytérsning xewer qilishiche, aldinqi küni mezkur aralgha yéqin xeyku shehirining mu'awin bashliqi déng shyawgang xitaydiki bir téléwiziye qaniligha qilghan sözide hökümetning bu yil ichide parasil arallirini yeni xitaylar shisha taqim aralliri dep ataydighan arallarni sayahetke échishni pilan qiliwatqanliqini éytqan.
Muxbirimiz irade
2012.04.05

Mezkur xewer bu arallarda igilik hoquq kürishi qiliwatqan wéytnam, malayshiya we teywen qatarliqlarning diqqitini qozghighandin kéyin, xitay hökümitining resmiy géziti hésablinidighan xelq géziti derhal xewer tarqitip, yuqiridiki uchurni inkar qilghan. Xeyku shehirining mu'awin bashliqi déng shyawgang bolsa, bu qétim xelq gézitige “Méning bu ishtin xewirim yoq, men xeynen sayahetchilik idariside ishlimeymen” dep bayanat bergen.

Xitay hökümiti jenubiy déngizdiki taqim arallarning xitay zémini ikenlikini ilgiri sürüp, qoshna döletler bilen ziddiyetliship kelmekte. Xitay hökümitining alaqidar qanunlargha xilap halda jenubiy déngizda néfit charlishi we wétnam, filippilarning paraxotlirigha hujum qilip, zorawanlarche pozitsiyide bolushi bu arallarda igilik hoquqi kürishi qiliwatqan bashqa döletlerni qattiq narazi qilmaqta. Ular xitaydin kélidighan tehditke taqabil turush üchün yéqindin buyan amérika bilen bolghan her sahe hemkarliqini ashurdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.