Yenbyen oblasti chawshyen milliti ikkinchi perzentke ayda 1000 som yardem puli bérishni qarar qildi

Uyghur biz torining bügünki bu heqtiki xewiride bildürülüshiche, mezkur yardem puli bala 4 yashqa kirgen'ge qeder bérilidiken.

Buningdin bashqa yene, ikkinchi perzent 18 yashqa kirgen'ge qeder salametlik istraxwaniyisidin behrimen bolidiken. Melum bolushiche, chawshyen millitige bérilgen bu étibar siyasiti, xitaydiki xitay millitidin bolghan puqralarning naraziliqini qozghighan. Xitay tor ezaliri mezkur siyasetni heddidin ziyade etiwarlash dep tenqid qilghan؛ beziliri bu jeryanda az sanliq milletlerge qarita irqchi til -haqaretlerni qollan'ghan.

Eslide chawshyenlerning 4-qétimliq nopus tekshürüshtiki omumi sani 1milyon 920 ming bolup, bu san 5-qétimliq tekshürüshte bir milyon 830 minggha chüshüp qalghan. Mezkur étibar bérish siyasiti mana bu weziyetni onglash üchün békitilgen.

Musteqil tetqiqatchi ilham toxti, bügün Uyghurbiz torbétide bu heqte pikir bayan qilip, Uyghurlar nopusining tebi'iy köpiyish nisbitining intayin töwenliki, nopusning qérilishish nisbitiningmu aldinqi qatarda ikenlikini bayan qilghan. U sözide Uyghur rayonluq hökümetni chawshyen aptonom oblastining yuqiriqi siyasiti üstide oylinishqa chaqirghan.