Uyghur élining shimaliy rayonliri qar apitige uchridi

27- Dékabir, Uyghur élining shimaliy rayonliri qar apitige uchridi. Xitay hawarayi idariliri mezkur qar apiti heqqide kök renglik agahlandurush chiqarghan.
Muxbirimiz jüme
2010.12.27

Xewerlerge qarighanda, qar altay we bortala rayonlirida bir qeder éghir yaghqan. Qumul qatarliq rayonlarda yaghqan qar anche éghir bolmisimu, mezkur rayonlarda 8 din 9 balghiche boran chiqqan. Témpératura zor derijide töwenligen.

"Asiya kindiki" torining xewirige qarighanda, bu nöwet yaghqan qar yéza igiliki, charwichiliq, qatnash, tok teminlesh we éléktr alaqisige éghir derijide eks tesir körsetken.

Ötken yilining oxshash mezgilidimu Uyghur élining altay rayoni éghir qar apitige uchrighan idi. Xitay da'iriliri bu nöwette mezkur qar apiti élip kelgen iqtisadiy ziyan we ziyan'gha uchrighuchilar heqqide tepsiliy melumat bermidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.