Qazaqistan xitaygha jasusluq qilghan ikki neper qazaq gé'ologni qamaqqa höküm qildi
2011.04.26
Amérika awazi radi'osining bu heqtiki xewiride bildürüshiche, mehkumlar qazaqistanning kan bayliqlirini échish we qézish saheside ishlewatqan mutexessisler bolup, ular qazaqistanning mezkur sahege a'it mexpiy höjjet we melumatlirini xitaygha yetküzgen.
Yene xewerde bildürüshiche, mehkumlar sot jeryanida özlirining xitaygha jasusluq qilghanliq qilmishini étirap qilghan. Qaraghanda sot mehkimisi mezkur déloning tepsilati heqqide axbarat sahesige bek köp melumat bermigen؛ peqet mezkur jasusluq pa'aliyitining qazaqistan iqtisadiy bixeterlikini dexlige uchratqanliqini eskertken.
Melum bolushiche bu, qazaqistanda xitay üchün élip bériliwatqan jasusluq pa'aliyetlirining tunji qétim ashkarilinishidur. Qaraghanda qazaqistandiki 4 chong sheherning biri, u qazaqistanning iqtisadiy merkizi we sana'et shehiri hésablinidu.
Qaraghanda sabiq sowét ittipaqi dewride ittipaqning 3-chong kan mehsulatliri bazisi idi.
Köp körülgen xewerler
RFA
- Erkin asiya radiyosi Uyghur bölümi: xitayning Uyghurlar üstidiki shepqetsiz hökümranliqining zulmetlirini yérip ötküchi nur
- En'gliye hökümiti Uyghur qulluq emgiki sewebidin xitayda ishlen'gen küntaxtilarni chekleydighanliqini élan qildi
- Gérmaniyening eng chong ximiye sana'iti shirkiti qattiq eyibleshlerdin kéyin Uyghur rayonidin ayrilghanliqini élan qildi
- Uyghur kishilik hoquq qurulushi xelq'araliq méhmanxana zenjirlirining Uyghur rayonida kéngiyiwatqanliqini eyiblep doklat élan qildi
- Xitay hökümiti amérika bilen xitay arisidiki soda urushining aqiwitidin qattiq endishe qilmaqta