Қәшқәр педагогика институти қурулғанлиқиниң 50 йиллиқ хатирә мурасимида муқимлиқ тәкитләнди

Йеқинда қәшқәрдә җәнубий уйғур районидики алий билим юртлиридин бири болған қәшқәр педагогика институти қурулғанлиқиниң 50 йиллиқи хатириләнгән.
Мухбиримиз ирадә
2012.10.18
Share on WhatsApp
Share on WhatsApp

Бу институт 1962-йили қурулған, 1978-йили һазирқи толуқ курс институтиға өзгәртилгән болуп, һазирғичә 60 миңдин артуқ оқуғучи бу институтларда йетишип чиқип маарип сепи вә башқа саһәләрдә хизмәт қилмақта.

Хитай һөкүмити уйғур мәдәнийитиниң бөшүки қәшқәрдә қурулған бу институтни давамлиқ түрдә диққәт билән тәқиб қилип, түрлүк тәшвиқат-тәрбийә сиясәтлирини қаттиқ иҗра қилип кәлгән. Уйғур район баш секретари җаң чүншйән мәктәпниң 50 йиллиқ тойиға биваситә қатнишип қилған сөзидиму оқуғучиларға идийә тәрбийә беришни унтуп қалмиған. У барлиқ оқутқучи-оқуғучиларни тоғра сиясий йөнилиштә чиң туруп, дөләтниң бирлики, милләтләр иттипақлиқи вә җәмийәт муқимлиқини қоғдашқа чақирған.

Даириләр яш ғунчиларни йетиштүридиған оқутқучиларни миллий бөлгүнчиликкә қарши сиясий һәрикәтлириниң алдинқи сепигә чиқирип қоюватқан болуп, бу хил әһвал қош тил маарипи йүзидин еғир бесим астида қалған уйғур оқутқучилири үстидики бесимни һәссиләп ашурған. Техи йеқинда бир нәпәр оқутқучи уйғур биз ториға очуқ хәт йоллап, хитайниң муқимлиқ хизмити давамида оқутқучиларни васитә қиливатқанлиқиға наразилиқ билдүргән вә “биз муқимлиқниң чапармәнлири әмәс” дегән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.