Qeshqerning partkom sékritari 'yette térrorchi teshkilatni pachaqliduq' dep jakarlidi

Qeshqer shehirining xitay partkom sékritari jang jyen shinxu'a agéntliqigha melumat bérip 'mushu yilning aldinqi töt éyida, chet'ellerde qurulghan teshkilatlargha chétilidighan 7 térrorchi teshkilatni pachaqliduq' dep jakarlidi.
Muxbirimiz weli
2009.06.03
Share on WhatsApp
Share on WhatsApp

Birleshme agéntliqining béyjingdin bayan qilishiche, emma xitay da'iriliri 'térrorchi', 'bölgünchi' dep qolgha alghan kishiler heqqide héchqandaq melumat bermidi. Xitay emeldari jang jyen yene 'hökümitimiz térrorchilargha qarshi turush arqiliq bu rayonni tinjitti, shuning bilen bir waqitta, bu rayon'gha téximu köp meblegh sélishqa bashlidi. Bu rayonda xelqning turmushi yaxshilan'ghansiri térrorchi teshkilatlar shunche köp keynige chékiniwatidu' dep melumat bergen bolsimu, bu heqtimu, yenila héchqandaq tepsiliy melumat bermidi.

Xewerde bayan qilinishiche, xitay hökümiti türki tilda sözlishidighan musulman Uyghurlarni musteqil dölet qurup shinjangni xitaydin bölüwélish üchün ottura asiya we ottura sherqte herbiy telim élip térrorchiliq qiliwatidu, dep eyiblep, 1990 ‏ - yilidin 2003 ‏ - yilighiche " 591 térrorchi guruhni pachaqlap, térrorchilarni qolgha élip " jaza höküm qilghanliqini élan qilghan idi.

Xitay hökümiti hazir Uyghurlarni yene intérnétni özige qoral qilip, öz - ara uchur almashturup, teshkillinip bölgünchilik qilish meqsitige yetmekchi boluwatidu, dep eyibleshke bashlidi.

B b s ning we merkizi agéntliqining bayan qilishiche, xitay hökümiti bu yil 4 ‏ - ayda, bultur 8‏ - ayning 4 ‏ - küni qeshqerde xitayning 17 neper chégra saqchisini öltürüp 15ni yarilandurghan ikki Uyghurni soraq qilip, ulargha ölüm jazasi bergen idi. Qeshqer shehirining xitay partkom sékritari jang jyen bu weqeni yene tilgha aldi.

Xewerde éytilishiche, xitay partkom sékritari ashkarilighan melumatida yene, afghanistan, pakistan, tajikstan, qirghizstan qatarliq döletler bilen chégrilinidighan qeshqer shehiride, Uyghurlar nopusning 90% ni teshkil qilidighanliqini, bu rayonda milliy bölgünchilik nahayiti ewj alghanliqini, 1949 ‏ - yilidin kéyin 11 qétim topilang yüz bergenlikini, xitay hökümiti bu rayonda 4 qétim keng kölemlik basturush élip barghanliqini, 1990 ‏ - yilidin kéyin bu rayonda yene 350 qétim térrorchiliq weqesi yüz bergenlikini, bu jeryanda 60 neper xitay emeldari öltürülgenlikini étirap qildi. Xitay Uyghur aptonom rayon re'isi nur bekrimu, buningdin kéyin weziyet téximu jiddiy bolidighanliqini tesewwur qildi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Pikir

Anonymous
Dec 13, 2012 05:34 PM

maqale pakitliq boptu