Qirghizistanda altun qéziwatqan xitaylar bilen yerlik qirghizlar toqunushti

Yéqinda qirghizistanning” taldibulaq” namliq altun kénida altun qéziwatqan xitaylar bilen yerlik qirghiz ammisi arisida toqunush yüz bérip, nurghun qirghiz puqrasi yarilan'ghan.
Muxbirimiz erkin
2012.10.26

Yerlik amma namayish qilip, xitay altun qazghuchilirini qirghizistandin qoghlap chiqirishni telep qilghan.

Qirghizistan we rusiye axbarat wasitilirining xewer qilishiche, qirghizistanning chu oblastliq ichki ishlar idarisi 21‏-öktebir yüz bergen toqunush heqqide melumat bérip, xitay shirkitining altun qézish mashinisi atliq bir qirghizning étini yanjip öltürüwetkenlikini bildürgen. Bextke yarisha at üstidiki qirghiz yarilanmighan bolsimu, biraq bu weqe yerlik qirghiz ahalisining qattiq naraziliqini qozghap, toqunushni keltürüp chiqarghan.

Weqede 4 qirghiz puqrasi éghir yarilinip, doxturxanigha élip bérilghan. Xitayning qirghizistanda turushluq bash elchixanisi 24‏-öktebir “Yer shari waqit géziti” ge melumat bérip, weqening kontrol qilin'ghanliqi, bu weqening junggogha qaritilmighanliqini bildürgen.

Biraq weqe yüz bérip etisi yeni 22‏-öktebir 400-500 dek qirghiz puqrasi toplinip, xitaylarning kan échishigha qarshi namayish qilghan. Qirghizistan ichki ishlar ministirliqi, amanliq küchlirining bixeterlikni kücheytip, xitay kan shirkitining orlofka kentide turushluq ishxanisining kirish-chiqish éghizliri kontrol qilin'ghanliqini élan qilghan. Altun kénida ishleydighan 300 dek xitay ishchi etraptiki bir yézigha yötkep kétilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.