Qirghizistan parlaménti charshenbe küni jantöre satébaldiyéfni bash ministirliqqa saylidi

Parlaménttiki 113 ezadin 111 nepirining qollap awaz bérishigha érishken satébaldiyéf, xam chotni qisqartidighanliqi we baj organlirini kücheytidighanliqini tekitligen.

Yéqinda qirghizistanda hökümet krizisi yüz bérip, parlaménttiki 5 partiyining birleshme hökümiti yiqilghan. Bash ministir babanof wezipisidin istépa bergen idi. Kishiler qirghizistandiki hökümet krizisining siyasiy muqimsizliq peyda qilip, 2005‏- yili yüz bergen xelq isyani yaki 2010‏- yili yüz bergen özbék-qirghiz toqunushidek zor siyasiy dawalghushlarni keltürüp chiqirishidin endishe qilghan.

Qirghizistan 2010‏-yildin kéyin özining siyasiy sistémisini özgertip, prézidéntliq tüzümidin parlamént démokratiyisige köchken idi.

Biraq bu tüzüm amérikining qollishigha érishken bolsimu, lékin rusiye bu tüzümining qirghizistan'gha muqimliq élip kélishi gumanliq ikenlikini ilgiri sürgen. Satébaldiyéf parlamént ezalirigha eskertip: men qirghizistan döliti we tereqqiyat üchün her bir kishini tinchliq we inaqliqqa chaqirimen, dégen.

Ömürbék babanof hökümiti parixorluq bilen eyiblinip yiqilghandin kéyin, parlaménttiki 3 partiye birleshme hökümet qurushqa kéliship, satébaldiyéfni qollighan idi. Satébaldiyéf ilgiri osh oblastining bashliqi, qirghizistan qatnash ministiri qatarliq wezipilerni atqurghan idi.