Қирғизистанниң сабиқ президенти қурманбек бақийефниң оғли максим бақийф әнглийидә қолға елинди

Максим бақийеф дадиси тәхттин чүшкәндин кейин әнглийигә қечип у йәрдин сиясий панаһлиқ тилигән; қирғизистан йеңи һөкүмити максим бақийефни хиянәтчилик вә алдамчилиқ билән әйибләп, әнглийә тәрәптин максим бақийефниң қирғизистанға қайтуруп берилишини тәләп қилған. Әнглийә максим бақийефниң сиясий панаһлиқ илтимасини вақитлиқ қобул қилған.

Қирғизистан һөкүмити әнглийигә, әгәр максим бақийеф қайтурулмиса, қирғизистандики америка һава армийә базисиниң тақилидиғанлиқини уқтурған. Америка максим бақийифни алдамчилиқ җинайити билән әйибләп, тутуп берилидиғанлар қара тизимликигә киргүзгән.

Әнглийә мәтбуатлириниң хәвәр қилишичә, максим бақийеф алдинқи күни әнглийиниң алақидар қанун органлириға өзини мәлум қилған, нәтиҗидә әнглийә сақчилири максим бақийефни қолға алған.

Хәвәрләрдә билдүрүшичә, қирғизистан билән әнглийә арисида өз-ара җинайәтчиләрни өткүзүп бериш әһдинамиси мәвҗут әмәс; шуңа әнглийә нөвәттә максим бақийефни қирғизистанға әмәс, бәлки америкиға өткүзүп беришни ойлашмақта.