Qirghizistanning sabiq prézidénti qurmanbék baqiyéfning oghli maksim baqiyf en'gliyide qolgha élindi

Maksim baqiyéf dadisi texttin chüshkendin kéyin en'gliyige qéchip u yerdin siyasiy panahliq tiligen؛ qirghizistan yéngi hökümiti maksim baqiyéfni xiyanetchilik we aldamchiliq bilen eyiblep, en'gliye tereptin maksim baqiyéfning qirghizistan'gha qayturup bérilishini telep qilghan. En'gliye maksim baqiyéfning siyasiy panahliq iltimasini waqitliq qobul qilghan.

Qirghizistan hökümiti en'gliyige, eger maksim baqiyéf qayturulmisa, qirghizistandiki amérika hawa armiye bazisining taqilidighanliqini uqturghan. Amérika maksim baqiyifni aldamchiliq jinayiti bilen eyiblep, tutup bérilidighanlar qara tizimlikige kirgüzgen.

En'gliye metbu'atlirining xewer qilishiche, maksim baqiyéf aldinqi küni en'gliyining alaqidar qanun organlirigha özini melum qilghan, netijide en'gliye saqchiliri maksim baqiyéfni qolgha alghan.

Xewerlerde bildürüshiche, qirghizistan bilen en'gliye arisida öz-ara jinayetchilerni ötküzüp bérish ehdinamisi mewjut emes؛ shunga en'gliye nöwette maksim baqiyéfni qirghizistan'gha emes, belki amérikigha ötküzüp bérishni oylashmaqta.